多次面對逆境天不怕地不怕嘅王維基，原來都有嘢怕，徐緣就大爆︰「我本身識Ricky，同佢傾偈嗰陣，其實我覺得佢自己都好清楚，因為我記得佢同我講過一句話。佢話港視開台，佢最大嘅壓力，係嚟自點樣manage觀眾嘅expectation。(處理觀眾嘅期望) 」
觀眾有期望唔係好事咩？徐緣就語重深長解釋︰「喺個台啟播之前，大家都覺得好想睇港視，嗰一份期待嘅心情，令大家會將件事推到極限，將佢同《紙牌屋》或者《白宮群英》比，認為節目要去到嗰個層次！但佢自己都好坦白，其實仲未到嗰個位置！」其實基哥冇需要擔心喎，撐港視嘅人除咗用質素衡量之外，仲會以製作誠意嚟畀分。你睇吓某台0製作就等如 0收視，就知道觀眾夠眼光啦！
做電視最緊要誠意！星期四晚11:00《亂噏24》足本版！！！