河南省搞咗個「首屆國際名人蠟像展」，入面有美國總統奧巴馬、成龍、俄羅斯總統普京、強國藝人趙本山等等，膠到喊就梗，之後又有一批范冰冰、劉德華和林志玲，仲有好多名人明星嘅恐怖蠟像相繼流出，其實此風不可長，但係強國一向有鋪抄襲癮。
又錫又攬夠核突
噚日又有網友喺山西發現到另一批恐怖蠟像，位於複製蠟像榜首嘅范冰冰，繼續出現係山西省太原市柳巷一家商場入面嘅「名人蠟像館」，喺呢間恐怖蠟像館入面，不止蠟像恐怖，連入去參觀嘅人，都一樣咁恐怖。
呢個蠟像館入面有美國總統奧巴馬、俄羅斯總統普京、范爺同埋《甄嬛傳》入面嘅孫儷，蠟像已經又膠又恐怖，但係現場嘅遊客對住個超膠蠟像拖手攬腰又錫面，搞到個蠟像成面都係口水，真係好鬼核突，真係想像唔到范爺同孫儷見到自己個蠟像畀人咁搞法有咩感受。
撰文：馮仁昭