民建聯鍾樹根嘅英文有幾好，唔使八方多加說明；但查實佢嘅粗口功力，都獲唔少人「賞識」。而呢一點喺上星期二開嘅工務小組上，就獲得肯肯定證明。
話說噚日小組開會討論建制派逾期入會申請，曾經喺早前會議就此同小組主席梁家傑開火互片嘅Tree根，繼續咬住袋巾唔放，不滿呢次會議繼續冇結論，留待下次開會。而Tree根呢次，仲以英文同疑似粗口夾擊，鬧完袋巾主持會議好似handicap，再以一個X字表達我是憤怒：「（若）我做主席呀，我就會設（想）盡辦法、說服大家去參加呢個會議嘞，X，你就唔係，你一拖再拖拖咗三四次……」聽到呢度，大家仲唔心悅誠服？