【一周食評】悠悠飲茶　爽嘆酒店點心自助餐

辛苦工作，最企盼就是周日的family day，同阿爸阿媽坐低，嘆下茶，聊聊家中瑣事。兩老平日都係去樓下街坊茶樓，難得放假，當然要帶他們吃好啲，最近我發現尖沙嘴凱悅軒確是不錯的選擇。地點好，環境舒服，最重要是枱數不多，不嘈雜，服務更貼心。我試了逢周一至周日都有的點心自助餐，燒味、前菜、點心、老火湯、粥粉飯、甜品等，共廿多款選擇，全部任點任食，即叫即做。叉燒，做得好，只用中間部份脢頭，3分肥7分瘦，蜜味香甜；餃類亦不錯，皮薄餡鮮，看得出水準。還有那碗日日更新的老火例湯，今天是粉葛赤小豆，阿爸激讚似足屋企燙，飲了兩大碗。由於是自助餐，兩老自然吃得開懷，看他們心多多，這款試一件，那款又吃兩件，吃得比平日還要多。酒店飲茶，每位才收$248，實在不算貴。尤其適合我這種小家庭，一星期最快樂的時光，就在蝦餃燒賣閒話家常間，悄悄流走。