【壹週刊】「本人謹以至誠宣誓，歇盡所得，忠誠依法，不畏懼、不徇私」，就咁聽呢段說話，真係每個人都聽到唔同意思。近日警隊對雨傘運動，以至鳩嗚革命所動用的「最低武力」備受爭議，日前警隊就喺網上推出短片，似乎係想洗底！
故事講一個新仔阿棋一次行咇，放走咗違例停車嘅市民，之後想抄第二架車牌嗰陣，就被質疑雙重標準，還被市民拍片。小棋唔明白點解俾人罵，佢上司就咁教訓佢，指做警察要有同理心，先可以贏得支持，而警察用咗好多時間先建立形象。呢位阿Sir講嘅嘢，唔止小棋啱用，仲可以俾依家啲警察聽！
不過小棋選擇自暴自棄，阿哥為咗令佢改變主意，就拎咗本過身嘅前警察老豆日記出嚟，講盡做警察嘅苦與樂；之後小棋就好似無綫啲師奶劇情節咁，即刻諗通晒，好快就繼續服務市民。
呢條台前幕後都由警察去包辦嘅短片，一心諗住Sell溫情，但放上網之後，網民就唔多受落，真係要聽吓入面阿Sir教訓小棋嘅說話先得！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/