最近香港電視界掀起大戰，新電視台以全新題材及拍攝手法，成功製作新一代港產劇令觀眾瘋傳熱推。《亂噏24》當然趕潮流，搵嚟金牌監製鄧特希，講講廿一世紀電視新風雲。
「佢嘅平台已經同香港電視市場有好大分別，佢嘅平台係一個網絡，預咗唔係傳統電視觀眾，其實理論上冇得比！所以我睇《選戰》嘅時候，我覺得佢哋揀啱咗方向！」
其實隨住多咗娛樂選擇，大家夜晚返屋企都未必係睇電視，金牌監製鄧特希都話︰「大部份人將時間放喺網上、網絡，所以如果有一個電視台，佢能夠喺網上提供一個比較自由嘅選擇，我覺得係前途無可限量！」電視革命守得雲開，唔知幾時會真正改朝換代？
星期四晚11:00《亂噏24》足本版！！！解構電視風雲！