港台「政壇新秀訓練班」十周年，噚日舉行升級典禮，邀請各大小黨派代表出席，安排表現最好嘅「最有前途政壇新秀」三強，包括兩女一男回答「最想提名哪位在場政黨代表做特首？」結果一人揀人力主席袁彌明，讚佢智慧與美貌並重，兩人揀長毛，撐毛哥係真漢子，多年嚟堅守自己立場，雖千萬人吾往矣。結果長毛唔使拉票，輕鬆K.O咗彌明BB。
同場嘅經民聯林健鋒就喺年輕人面前鬧爆長毛，斥長毛係「拉布元凶」，搞到立法會做唔到嘢，影響民生；同場落選民間特首嘅公民黨余若薇路見不平，發言時籲年輕人諗清楚長毛為乜要拉布，必須分清元凶究竟係邊個。