今年4月有報道指林雪因沉迷賭波，欠下巨債要避走到內地，得導演杜琪峯和任達華仗義疏財替他還債，之後林雪一直避談欠賭債的事。昨日電影《老笠便利店》在葵涌拍攝，通告顯示林雪亦有份演出，不過他最終未有現身。
身為監製的黃柏高（Paco）表示不知道演員的時間表，亦不清楚林雪被指欠債一事，他說：「等我check吓，問吓導演，聽講一直拍攝順利，唔會影響套戲嘅安排問題。」有否演員提出預支片酬？Paco表示演員片酬及個別事件都交由製片處理。
曾國祥唔覺有異樣
至於曾國祥則表示林雪沒有向他借錢，他說：「唔覺得有問題，禮拜三先同佢拍完，冇乜嘢異樣。」因何無故甩底？他說：「本身今日冇佢戲份。」
郭偉亮（Eric Kwok）在新戲飾演一名大亨，跟崔碧珈有很多親熱戲，早前還有一場「揸波」戲，他笑稱：「嗰個唔係我，嗰個係大亨，同我真人唔同，總之我好尊重女性。」之後他詳談當日拍攝情況，說：「導演話如果我再唔投入會不斷叫NG，當時我就唔諗咁多，一吓就做，都有啲唔好意思，最後5 Take搞掂。」Eric表示回家後老婆葉佩雯都會有說話給他聽，不過Eric感激太太對自己的開通和專業。
採訪：王連連
攝影：沈健程
