曼聯領隊雲高爾不愧為大師，除咗擅於戰術調動之外，其實佢最厲害嘅，應該係了解球員嘅心理，從中激發佢哋嘅潛能。聖誕佳節就快到，雲帥就宣佈推行德政，25號聖誕夜將會放假一晚，等班球員可以返屋企過節。
英國人不嬲重視傳統節日，偏偏英超賽會安排地獄賽程，對班球星嚟講，聖誕新年仲難捱過平日。
紅魔喺拆禮物日將會主場鬥紐卡素，照規矩職球員前一晚都要去酒店集宿，但雲高爾宣佈，聖誕夜嘅晚飯時間，將會放班球員返屋企，等佢哋可以同屋企人過節。唔知班球員到時會踢場好波報答雲帥，定係會因為偷偷出去夜蒲搞到腳仔軟呢？
識睇，一定係睇足英台【英波Live】：
http://soccer.appledaily.com
http://bit.ly/engballlive