【本報訊】阿信屋能成功急速冒起，至今本港分店逾200間，759阿信屋創辦人林偉駿認為，做零售最緊要「隨波逐流，跟着市場走」，並做好數據分析；因為零售市場和客戶不時在變，「攞着一樣嘢過唔到世，要見步行步，今日唔知聽日事。」
阿信屋如何跟着客戶走？他昨日在《中小企業論壇》指阿信屋八成顧客為女性，當中不少媽咪，因此阿信屋增設玩具、化妝品等貨品，讓她們更多選擇；又加售冷凍肉，結果數據分析真的有市場，便在更多分店展開銷售。下兩周他又會增設麵包銷售業務。
採購貨源靠part time
759阿信屋貨品多樣化，如何採購貨源？他透露旗下採購部派同事到日本，「用500萬元掃貨，亂咁買嘢，其中1萬元貨能突圍而出已經唔錯。」而當地超市是他們重點採購的地點。「採購部啲part time學生都做到唔捨得走。」反觀他聘請來自大超市採購部要員，「淨係識約人開會，兩年嚟一毫子貨都冇訂。」
追塑阿信屋的崛起，原來是得益於日本311核事故，當年日本商逼不得已在傳統經銷商外，加強透過阿信屋這些水貨商出口；同樣歐洲經濟差也提供大量平貨供應。結果他發現原來直接日本購貨，與跟經銷商買貨，價差可達40至50%！
他表示「成日話租金貴，人工貴，計唔掂數咪唔好做，唔通個市場就你；要喺艱難世界搵到食，咁先叫搵食。」現時租金佔阿信屋生意約一成。他表明無意做特許經營，暫亦無意大搞網購。