【本報訊】花費100元只能享受約15分鐘的摩天旅程，有市民認為「貴咗啲」，到底怎可在3圈之內影盡靚景？《蘋果》教你選擇醒目位。首先由於摩天輪是順時針轉動，如果想影盡無敵維港180度全海景，乘客入車廂時，首選右手邊一排位置，會清楚看到會展一帶景色；入夜後，更可以看到金鐘一帶的燈飾夜景。
至於坐左手邊一排的乘客亦不用失望，若遇上晴天無雲之日，中環碼頭、國金等海傍景色盡入眼簾。傍晚時分，更有機會影到金光閃閃的環球貿易廣場（ICC），但須在轉至約半圈後才影到。
中港乘客評價
香港陳太
「車廂有啲矮，一百蚊得3個圈，有少少貴，唔會成日玩……有外國朋友嚟或新年無咩做先會嚟玩。」
廣州黃小姐
「來港玩兩天，女兒說要來坐摩天輪便到場，價錢還可，因為同廣州坐摩天輪差不多。」
