【拆局】
自由黨田北俊昨日探望絕食學生後，多名建制派人士均罕有地伸出「友誼之手」，願意協助斡旋。有政界人士相信，田的行動對部份建制派構成壓力，「唔對絕食學生做啲野，好難面對輿論」；亦有消息稱，特首梁振英正面對很大壓力，必須以和平方式解決佔領問題，若由田等人斡旋成功，梁將更加「冇面」。
「扮中立」建制派變被動
有政界人士稱，田北俊被北京褫奪政協職位、放下自由黨黨魁一職，不但無損他的政治能量，反而令田少了包袱，可做自己想做的事，「好似探黃之鋒、自願做中間人咁，如果佢（田北俊）仲係政協、自由黨黨魁，就一定多啲顧慮，可能要諗埋會唔會俾西環打小報告、拖累自由黨」。
而田的行動也令一些「扮中立」的建制派十分被動，「佢哋見田北俊咁做，唔跟住做又驚俾人砌、做又怕俾人鬧」，但更尷尬的是梁振英，梁曾向中央表明，有能力解決佔領，但至今特區政府仍未有化解佔領方法，梁及一眾官員更拒見學生，「𠵱家田北俊插隻手去搞，如果俾佢搞到多少成果，到時你話梁振英幾冇面！」
《蘋果》記者