【亞視風雲之又再拖糧】亞視內憂加外患，上月通訊事務管理局向特首會同行政會議建議不續牌予亞視，主要投資者王征8月起不再注資亞視，還要求亞視償還十億貸款。繼拖欠近3個星期9月份薪金後，截至昨日，11月份薪金仍未發放。亞視的員工無糧出，更何況是臨時合約員工，拖得一定拖喇！
次次遲出糧
俄羅斯專業繙譯員Katya Woodham 06年開始為亞姐擔任繙譯，去年為亞姐亞軍蘭娜董素娃任繙譯員，一直未有出糧，她向亞視追討12,400港元薪金接近一年都沒有回應。懷有5個月身孕的Katya表示懷孕之後開支很大，所以急需用錢，不過亞視卻無人肯聽電話，令大肚婆既傷心又憤怒。
Katya昨日接受電話訪問，透露將在明年年中做媽媽，操流利廣東話的Katya被問到亞視拖欠她一年薪金，她說：「係呀，我send咗個invoice畀佢哋，佢哋平時好遲先交錢畀我，今次我真係同佢哋聯絡好多次冇人理我，之前有個同事負責，但係今次嗰個同事都冇覆我，今年亞姐係冇俄羅斯佳麗，可能佢哋忘記咗我，唔記得畀錢我，𠵱家ATV有好多問題，唔出糧畀嗰啲員工，都唔知點算。」
明年4月預產期的Katya，只希望有錢傍身，為初生BB提供更好的照料，所以她很心急向亞視追討欠薪，她說：「如果我請律師都要使好多錢，如果佢哋唔畀我只可以forget，但係心裏面都唔舒服，因為我係專業嘅繙譯，係第一次有個客人拖咁耐，係好嬲。」
心急追欠薪
除了Katya，另一個亞姐繙譯員Anna Torres一樣未收到欠薪，據知Anna生意出現問題，加上要撫養兩名孩子，所以等錢應急。
採訪：舒娜