近兩屆日聯最尾幾輪簡直「好睇過戲」，繼上屆橫濱水手在最後階段將冠軍拱手讓予廣島三箭後，今屆浦和紅鑽亦大有可能「衰收尾」！近6仗只嘗1勝，其中更在關鍵戰主場不敵爭標對手大阪飛腳。緊張關頭，我們有線已派出外景隊赴現場採訪，大家到時記得留意足球台直播。
飛腳現以7個得失球差優勢力壓紅鑽居榜首，今仗只需作客擊敗德島漩渦，就幾可肯定繼2011年的柏雷素爾後，第2支以升班馬姿態奪得日聯總冠軍的球隊。
原本飛腳今季開局一直徘徊中下游，但自從射手宇佐美貴史在第12輪聯賽正式復出後，球隊就脫胎換骨。自該周起計，他們於聯賽取得17勝2和3負。其中年屆34歲的老大哥遠藤保仁（圖），今季每場均正選上陣，他在中場指揮若定，是飛腳成功的關鍵！
同是升班馬的漩渦，33戰輸了26場，升班至今從未在主場取勝！對上12場聯賽1和11負，當中8場零入球！劣績頻頻，球隊監督小林伸二早前已宣佈請辭，今仗將是他最後一次領軍。
對賽往績，飛腳近4次都輕鬆贏波，值得一提是射手宇佐美貴史在對漩渦的3戰中，一共取得6個入球，絕對是「漩渦剋星」！飛腳可大勝，並繼2005年再次封王，「讓球主客和」[-2]「客勝」可順利開出！
WENDY
有線球彩台主持
PHONE波熱線：1831 678
《球彩俱樂部》晚上10:30直播