【本報訊】立法會昨日繼續辯論有關上月底，警方在旺角執行禁制令及處理公眾集會手法的議案。建制派議員砌詞批評學生和佔領人士，泛民則反駁建制派含血噴人，「量人一把尺，量自己一把尺」。
民建聯蔣麗芸不點名批評日前被警方無理拘捕的港大副教授蔡顯輝（Dr. Toy, Patrick Henry）活該，指「有位港大副教授，佢話我係陪朋友落去嗰度搵親人，然後順便坐喺度休息吓、傾吓偈……呀主席，我真係唔明白，附近咁多咖啡店、咩Starbucks嗰啲，好多喺度㗎嘛，點解你唔喺嗰度坐？你喺人哋清場中、坐喺中間道傾偈喎，我諗極都唔明白，咁原來呢啲，就係我哋港大嘅副教授，呀主席，我真係暈咗」。
蔣麗芸同時又指摘學生不守法，辯稱參與佔中的年輕人頂多只有1萬人，「即係有24萬年輕人冇出嚟，24萬年輕人係好學生」。
鍾樹根屈三子落淚「博上鏡」
其黨友鍾樹根則指佔中三子是學棍、神棍，落淚亦只為「博上鏡」，同時批評香港電台不報道警員受傷，淪為佔中宣傳機器、反政府的政治喉舌。
工聯會黃國健則指示威者欠光明正大，一邊舉手、一邊腳踢警員，更批評泛民不敢要求清場。
泛民群起反駁。社民連梁國雄以左派發起的六七暴動駁斥建制派：「你話我哋係顏色革命、話我哋係蓄意做暴亂，我想請教你哋，嗰個反英抗暴鬥爭委員會係乜嚟嘅？」指六七暴動有炸彈、武器，導致人命傷亡，「你鬧我哋嘅時候，你應唔應該悔過呀？」
民主黨主席劉慧卿則指他們譴責任何武力衝擊，敦促建制派不應該「含血噴人」。公民黨梁家傑則強調是時候將運動深化。
保安局局長黎棟國回應時強調，警方以大量人力物力、「血肉之軀」緊守防線，警員被打至爆眼、血流披面都沒有接受媒體採訪，並再三否認警方淪為政治打手、沒有跟法庭指引及借故清場的指控。而議案最後在毋須記名表決下被否決。
