強勢已經唔可以再貼切地形容A股嘅走勢，滬綜指昨日簡直是火箭式升空，再一次印證咗內地股市升完的確可以再升，早兩日才有人估年底滬綜指到3000點，但昨日大市個勢已經想一步到位，隨時應該調整為今個星期超短線目標。
昨日滬港通成交，北向嘅滬股通成交金額35.21億元，南下港股通成交仍然淡靜，只有4.14億元。更值得留意的是成交數字，深滬兩市成交前日已經超過9,000億元（人民幣．下同），昨日亦有8,800多億元。
有分析師朋友曾經分享過，寫分析報告又好，投資專欄都好，切忌逆市而行。單看經濟數據，真係搵唔到支持股市大升的因素，若只是市場憧憬下周中央經濟工作會議，會定調明調控將更寬鬆的話，這只是大家賭一鋪大細而已，下周會議對經濟增長及財政政策明確定調的話當然好，如果唔係嘅，股市調整下都少不免。
以中央官員過往嘅講話推論，除非中央對目標股市表現非常不滿意或憂慮，有心出手助一把，否則唔會將啲嘢講到咁明。所以都係證監會句slogan講得好，投資涉及風險，證券價格可升可跌。
流氓