林德信在電影《青春鬥》中飾演吳千語的表哥，為追求武術隊的師姐盛君而加入武術隊，他說：「部戲講我識識哋打，佢哋打得好型，我就打到似個儍仔，好似吊威吔咁，每個take都唔知飛咗去邊。」Alex表示對感情事隨緣，希望找到個與他一樣愛運動女朋友，外界經常指他花弗，會否介意？Alex說：「呢啲我控制唔到，不過我都唔係㗎，我好專一嘅，但暫時未諗結婚。」
回想起校園生活，Alex坦言小時很曳，11歲在英國寄宿已開始吸煙飲酒，他說：「可能冇人睇住我，爹哋喺香港，媽咪喺美國，所以好多空間試好多嘢，通常媽咪會比較熱情，會好嬲咁鬧我，爹哋都好嬲，但佢好cool唔會好長氣咁教仔，但我感覺到佢好失望，當時自己又硬頸，冇乜點改，大個咗先慢慢改變。」Alex表示入行後反而與爸爸關係更密切，多了話題，大家一起錄音及工作。
而盛君在戲中打得比千語更多，她說：「有場戲我要倒吊，頭向下，個腦充晒血，第二日起身塊面好多紅點，真係好驚，過咗一個星期先好番。」盛君稱喜歡有才華的男仔，是甚麼行業都沒所謂。
服裝：iijin