梁詠琪（GiGi）已懷有6個月多的身孕，已漸漸停工養胎，日前她陀着B女以代言人身份接拍孕婦產前檢查廣告，其客戶更為GiGi買重保險，現場更準備大量水果、靚湯以及大小不同坐墊，認真細心。GiGi笑言拍廣告可以放肆進食：「以往要影相前唔敢食，驚會肚凸凸有肚腩，但呢次就可放肆咁食，唔怕肚凸，感覺好正。」GiGi首度懷孕，其夫婿Sergio及工作團隊都十分緊張，她表示：「除咗日常飲食外，食唔同嘅維他命丸、營養食品，睇孕婦書同學習孕婦運動，為自然生產作好準備，同事好傳統，唔准我抱人哋嘅BB，話驚小器，又唔准我去買BB用品，話要夠7個月至可以買。」
撰文：唐如