之前做數碼港行政總裁嘅理大行政副校長楊偉雄，一直盛傳係狼英力倡第14個局「創新及科技局」局長人選。咁啱立法會10月底通過成立，楊偉雄近日就向理大表明明年2月底約滿後唔續約。但立法會財委會仲未審議撥款，喺泛民拉布期間，唔知佢最終做唔做到局長。
楊偉雄今年59歲，台灣出世，後到美國加州留學，83年來港居住及工作，計起嚟已31年。佢2010年3月加入理大，係理大加州幫首領、校長唐偉章搵嘅自己友。唐喺致全校通告中讚揚佢貢獻良多，但唐校長應該好頭痕，因為計埋楊偉雄，共有幾位副校長離職，睇嚟又要撬吓香港加州幫好友去理大幫吓手。