由於下周舉行國際賽，禮拜日田戰以泥地為主，編咗七泥四草，草地用最狹窄之C加3欄作賽。睇番上季國際賽前一次沙田鴛鴦地賽事亦是用C加3欄，當日四匹草地頭馬「雄心勁龍」、「神舟十號」、「吉利高」及「好健康」全部守頭兩位入直路建功，可見跑道狹窄對擺前走之馬匹較有利。
今次草地列陣馬中，第三場「藍天飛馬」上仗初出擺前入Q，轉戰利放之C加3欄有機會贏馬補中。另外，第六場「好好機會」跑C加3欄贏過，快馬排三檔亦有利，結合跑道形勢可以放到。
至於泥地方面，短途一向利放，上季同日就有「童夢」及「嶺峯」放頭及跟前守好位贏馬，第二場「童夢」、第七場「一定旺」及第十場「信眼光」等泥地快馬可秤先。至於中距離就比較利追，尤其是1800米，第四場「好爽趣」及第五場「威勢之寶」等擅跑泥地之後上馬值得優先留意。