【維基開戰之勇闖難關】王維基的香港電視上月19日開台，艾威、周俊偉及劉玉翠為港視拍攝的《挑戰》亦終有機會出生天，三人去年隨隊出發到位於越南的世界最大天然洞穴韓松洞探險接受挑戰，周俊偉揚言在洞穴體驗了原始人生活，艾威則說：「入到洞穴嗰刻，心諗好彩跳槽箒，真係不枉此『跳』！」
撰文：黃曉妍
艾威和周俊偉日前應本報邀請接受挑戰，在尖沙嘴一拳館內切磋拳術，二人打沙包熱身後，即如「神奇小子」曹星如上身般揮拳對打，其間艾威一下起腳，周俊偉立即用手擋住，還施展鎖頸來箝制對方，有板有眼。原來周俊偉曾因工作需要而學過幾堂泰拳，艾威亦試過為減肥而跟錢小豪學打拳。
漆黑中走過懸崖
近日港視綜藝節目《挑戰》，以艾威、周俊偉和劉玉翠到越南韓松洞探險打頭陣，節目中見繫上安全帶的艾威不時凸腩，對此艾威笑說：「唔夠時間減肥，冇辦法啦，細個嗰陣，我連體育堂都走堂！」艾威一向有畏高症，今次他只靠頭上的一盞燈，照着漆黑一片的懸崖前進，過程驚險。問可曾想過放棄時，艾威說：「前無去路，後有追兵，一定要去，同埋前後有兩個專家傍實我，好似『秤』雞仔咁勾住我背囊，都幾瘀吓。」
沒機會沖涼，大小便也是就地解決，周俊偉揚言過了10日人類最原始的生活，他說：「我哋都係抹身，大小便就喺現場掘個坑去處理。」不過，周俊偉指此行伙食不太差，有飯、豬肉、公仔麵、罐頭甚至雞，周俊偉說：「製作隊之前去瓦努阿圖火山，伙食方面完全失去預算，所以今次有帶生雞入去，隔幾日就劏一隻嚟食。」
洞穴內有如仙境
雖然行程艱苦，但見到洞穴美麗景象，艾威認為絕對是值得：「入到洞穴嗰刻，心諗好彩跳槽箒，真係不枉此『跳』！好夢幻！其實好佩服隨行嗰6個專家，畢生人就喺黑暗地方、杳無人煙去開發呢啲洞穴，呢個世界乜嘢人都有，乜嘢人都有佢嘅存在價值。」他更感激隨行專家令行程變得豐盛。周俊偉表示曾成功爬上20層樓高的方解石上，並謂很喜歡一個天坑位，指該處有水流、有陽光照射，形成一個樹林，他說：「嗰個位好《阿凡達》，簡直係一個仙境。」
場地：TRIQUEST
