林建岳與謝玲玲所生的三女林心兒日前現身巴黎，出席被譽為巴黎貴族社交盛事的成人禮舞會（le Bal），同場還有全球23名貴族界及富二代的新晉名媛千金，當中有奧地利公主Princess Alexia von Auersperg、美國老牌影星華倫比堤（Warren Beatty）與金球影后安納貝寧（Annette Bening）所生的Isabel Beatty，而九巴家族後人雷禮權與利蘊珍所生的女兒雷正殷亦是另一個香港代表。
與安納講湊女經
心兒穿上了Dior高級訂做白色長裙及Bucherer鑽飾裝身，記者昨日致電謝玲玲，她專誠去巴黎一日陪心兒去ball：「心兒好興奮，覺得好難得機會，個ball不嬲都係請歐洲貴族，近幾年開始請中國人，心兒係大半年前獲大會邀請，佢要喺美國飛過去巴黎面試。」謝玲玲透露心兒要去巴黎學禮儀、社交舞：「我覺得佢因為呢個活動大個咗好多，之前都係佢自己去巴黎試衫處理，都學咗好多嘢，為人處事都好咗好多，係人生一個好好嘅經歷。」謝玲玲透露心兒在加州的Pedderdine University修讀心理學碩士：「佢出年畢業，作為媽咪，佢做乜都無所謂，不過就希望佢讀多一個學位。」謝玲玲在其instagram中上載了與安納貝寧的合照：「我好鍾意佢做嘅戲，佢坐我後一枱，大家一齊幫囡囡影相時傾起偈，佢好nice冇架子。」
採訪：唐如
