今朝送阿女返學，行過樓下7仔，佢大嗌：哇！哇！哇！又有新嘢換喇！停低一睇，發覺係迪士尼「Light Parade型光花車」！
一個陳列座，上面係小鎮大街火車站場景，米奇、布魯托、巴斯光年、奇妙仙子……共12款好朋友花車到晒。最正係，米奇頂帽、布魯托間屋頂、奇妙仙子粒磨菇、巴斯光年件太空衣，都髹上螢光物料，熄燈會發光。店員哥哥話，今次只係第一階段，遲吓仲有「Light Parade夜光花車」，到時灰姑娘、勞蘇、小木偶皮諾丘同胡迪都會出場，聖誕、新年、情人節仲會推出特別版添！講到呢度，我發覺女雙眼發光，已經唔記得就快遲到！
換購辦法：
即日起至明年3月3日，於7-11購物滿$20送印花一個，滿$30送2個、滿40送3個，如此類推。18個印花免費隨機換領一款花車；7個印花加$20元也可隨機換購一款。「小鎮大街火車站」紫外光燈陳列座，要買滿$20可以$198換購。
譚偉健
飲食記者，天生為食，愛講爛gag。愛吃唔愛做，但唔做冇錢吃，惟有繼續邊做邊吃。