喺機場登機閘口「打咭」是常識吧，香港國際機場都好照顧愛「打咭」嘅一群，邀請咗本地插畫家大泥，將筆下嘅繪本角色白熊同佢嘅朋友，化身聖誕裝飾進駐機場俾大家任影唔嬲。除咗大家熟悉嘅白熊、小男孩同企鵝外，大泥仲特別設計咗全新嘅「雪人」角色，將白色冬日氣氛帶到機場。
其實selfie放fb「些牙」之餘，旅客仲可以參加「熊抱白色聖誕之自拍狂『相』曲」活動，只要喺機場fb專頁「讚好」或「關注」，並po埋同「熊抱白色聖誕」聖誕裝飾嘅相，然後加上「#HKIAxmas」hashtag標籤就得。機管局每日會選出20張最有創意同歡樂氣氛嘅相，得獎者會獲限量版「香港國際機場X大泥」2015座枱月曆一個。