公民教育委員會2015年公民教育座枱月曆，以「尊重與包容」做主題，明起在多處免費派發，年曆插畫由本地創作品牌團隊HosannArt設計，三位插畫師以小朋友為主角展現不同公民價值。
每日傍晚電視新聞前播嘅國歌，就係呢個委員會「傑作」，所以月曆點會冇「忠黨愛國」成份？4月份就叫人「關心社會，認識國家」；10月有國慶，插畫就有三位唔同族裔小朋友一齊喺國旗同區旗下玩樂。7月份插畫卻可圈可點，因為畫咗一班小朋友圍住一個寫有「Happy Anniversary」（周年快樂）大生日蛋糕慶祝，又寫住「關愛身邊人，快樂隨心行」。7月、周年生日、行，令人聯想到7.1遊行，八方唔係插畫師肚裏條蟲，真係唔知係咪插畫師打擦邊球嘅傑作。