今期賽事算係好平淡嘅谷草夜賽，但如果講三單好強勁、成功率百分百嘅數據俾大家聽，可能你又會覺得今次賽事都唔會好平淡喎。
第一單係第二場「軍號」，配韋達抽到一檔起步，原來韋哥今季三匹谷草一檔馬，攞到冠亞季各一全上名佳績，即係話「軍號」今次有一檔，最低限度都有三甲甚至贏埋！
另一單100%上名率數據係第四場「大勇士」，原來今季郭能同沈集成合作兩次全部贏晒，其中一匹馬正係「大勇士」，今次路程不變，肯定食過翻尋味。
最後醒多單俾大家，第六場「靚橙」上個禮拜三跑完匆匆再出，換杜滿萊，原來杜Sir今季兩匹谷草1800米座騎得一冠一亞全部入Q，嘩！又係百分百冇甩拖。