每年工展小姐都係工展會重頭戲，但邊位佳麗最吸睛，真係各花入各眼！噚日工展會記招率先頒發「最合眼緣獎」，由記者會上嘅嘉賓同記者投票選出，代表家品及廚房用品公司深偉國際嘅1號張殷慈，憑住甜美笑容先拔頭籌，但有選民扁嘴，覺得佢嘅朗誦技巧太特別，反而欣賞最高齡、33歲嘅6號蔡穎欣，讚佢成熟大方。
但其實呢個獎只係前奏，冠亞季軍、「最具魅力獎」同「最佳口才獎」幾個大獎要到下月先揭盅，而工展小姐同港姐一樣，都有民意分，入場人士可以投票選出心水佳麗，有機會贏巨獎。而喺公眾投票同評審評分獲得最高總分，就會成為三甲，希望呢次係真普選啦！