【壹週刊】食米線有咩配料？咪又係豆卜、豬潤、雞翼，淥兩淥煮埋一碗，銅鑼灣新開「米線皇」就將一碗平凡的米線升級。負責人方先生本身在天后開酒家，做開街坊 生意，今次試搞米線，價錢亦希望大眾化一點。「米線的配料做法相對酒樓菜式簡單啲，成本亦少啲，所以定價可以低啲。」雖然話菜式相對「簡單」，不過秘製川 式口水雞、泡椒豬手要又浸又醃，花時間功夫，只賣廿幾蚊，在當區確實少見。
餐廳的菜式亦不限風格，但都主打濃味，如川味、泰式、潮式都有， 招牌口水雞淥熟後要用滷水汁再醃，再上醬汁，廚師郭師傅指只是醬汁就用了十多樣材料，「辣椒油、老乾媽醬、湖南辣椒醬、花椒油、陳醋等，辣得來夠香夠麻。 另外泰式豬頸肉就要用南乳醬、咖喱粉來醃，炸過後香脆惹味。」配料濃味，湯底不能太濃太膩，豬骨湯用四十磅豬骨加鯊魚骨，加薑、果皮、胡椒每日新鮮熬足七 小時，湯底呈奶白色，清甜鮮味唔腥，「啲骨煲七個鐘煲到就快化開，夠晒火喉。」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/