魔術師甄澤權前晚喺九展舉行魔術表演，鍾嘉欣同陳嘉寶擔任表演嘉賓，佢哋着住白色裙赤腳上陣，陳嘉寶跟甄澤權學魔術已經一段時間，台上面佢表演咗一個啤牌魔術，變4條A出嚟，再變4個銀仔，之後全部變走晒！到嘉欣BB出場，佢負責俾甄澤權「升起」喺半空，然後突然消失。
最近有傳嘉欣BB會離開大台，不過未有機會問佢本人，因為佢話趕住返內地未有接受訪問。撰文：馮仁昭
