隔牆有耳：
聖誕夜迷宮　好睇又好玩 - 李八方

聖誕唔想齋睇燈飾咁悶？不妨探索夜迷宮。沙田新城市廣場一期七樓嘅戶外星光花園，今年請到舉世知名嘅「迷宮創造神匠」Adrian Fisher團隊，首次為香港打造聖誕亮點「a"MAZE"ing Christmas晝日．星夜迷宮@星光花園」，等大家喺聖誕節有個奇趣刺激嘅腦力挑戰。

Adrian Fisher迷宮團隊代表Ian Bell噚日解構呢個佔地8,000呎嘅夜迷宮，原來係由逾400塊透明幕牆組成，劃分出迷宮迂迴曲折、耐人尋味嘅空間，仲有獨特嘅視覺感。如果成功走出迷城，就可以欣賞到迷宮周圍、由著名德國燈飾建築師Ben Busche巧建嘅光影佈置。呢個裝置烘托出迷宮晝夜嘅不同美態，肯定係聖誕selfie熱點。
迷宮今日起至1月31日，中午12點至晚上10點免費開放，有興趣挑戰智力同耐力嘅市民不妨到訪，睇吓會否又再一次不小心走進夜迷宮。