香港係國際大都會，唔少國家都喺香港有駐港領事。但原來愛爾蘭過往嘅領事，都係以名譽領事做代表㗎咋，最近先首設全職嘅駐港領事，呢位駐港領事韋宏達（Peter Ryan），近日拜訪唔同界別人士，加深對香港嘅了解。
韋宏達嘅足迹，噚日去到新民黨總部，原來佢約咗該黨主席兼行政立法會議員葉劉淑儀傾偈交流。葉劉話呀，對方向佢介紹咗自己以及所屬領事館嘅工作，透露𠵱家在港嘅愛爾蘭人，都多達三千幾㗎。韋宏達仲話好高興可以來港做領事，希望第日喺科技、教育等領域同新民黨做多啲研究同合作。嘩，中央成日亂扣帽子，葉劉唔驚被指勾結外國勢力咩？