大家提起黑字就覺得唔「老嚟」，外國股市亦一樣，逢親Black字行頭嘅日子都係跌鑊甘。好似1987年10月19日嘅黑色星期一，當日道指帶頭令全球股市爆瀉，第二港股亦受拖累勁跌。
但係黑色星期五就例外，呢日代表商戶搵錢、民眾消費嘅時機。緊接嘅星期一對股市都重要，因為踏入12月，美股傳統嘅「聖誕升市」效應（Santa Claus Rally）又嚟到。
股市傳統智慧就話，12月股市多數係升市。準確啲講，聖誕升市係指每年最後嘅五個交易日，以及新一年首兩個交易日。股市戰報亦話畀大家知，股市喺呢段期間表現唔弱。
過去五年，標普500指數喺12月平均升幅有2.5%，反映唔係個個股民趕收爐，繼續炒股。
其實聖誕升市唔限於美股，亞洲股市都有聖誕升市。標普道瓊斯指數公司過去20年嘅統計發現，美國聖誕升市嘅升幅跑輸其他國家。
過去20年，標指嘅12月平均回報率17%，拉勻全年睇，平均回報率得1.7%。咁邊度股市嘅聖誕升市最顯著？係由日本東證指數跑出。
日本東證指數12月平均回報達113%，全年平均回報1.9%。今年適逢日本央行無限放水，有利日股繼續升。大家趁日圓貶值飛日本血拼外，睇埋今年日股聖誕鐘敲唔敲得響。
C+B
本欄逢周一刊出