放假嘅時光過得特別快，未返工先趕稿，對黑眼圈撤咗唔夠幾日又回來！我諗香港女人化妝最想解決嘅問題，一定都係黑！眼！圈！
上次去韓國採訪嘅時候學咗一招，就係黃加粉紅，方法係用遮瑕膏溝啲液態粉紅胭脂塗在黑眼圈位，最後再加少少偏黃嘅遮瑕上去blend開，啱啱去旅行就買咗CLIO支淺黃色Gelpresso waterproof pastel upper liner，用咗幾日，真係幾work！
呢個系列嘅粉彩眼影筆顏色非常童話feel，2NE1 Sandara用就梗係化到殭屍小白咁都靚啦，但我哋少去wet嘅就真係要諗清楚啦。
呢支#1係淺黃色，本來用來畫眼影前在眼蓋打底，但我覺得實在好啱用來畫喺遮極都遮唔到嘅黑眼圈底線位；質地乾乾地，畫上去唔會推甩底層嘅肉色，輕輕幾筆黑眼圈即時隱形，好感動呀！
（香港有賣粉藍同粉紅色，但#1淺黃色就要去網店和樓上店找找或去韓國入貨啦。）
遮黑度：★★★
Winny – 哈韓人妻
唔係女神、唔係跑手，係AB餐以外，少少肥多多寸、20到尾先發奮keep fit扮靚、目標成為玄彬級韓男都要看過來嘅C餐人妻！
