人民銀行突然減息，引發減息周期展開的憧憬，帶動中港股市上周亢奮炒上。不過，資金流出二三線股，轉投大價股的懷抱，對擅炒細價股的「投資王擂台賽」參賽者而言，過去一周其實甚具挑戰。
11月賽事結束，散戶組由Cheung Chok Kuen奪得冠軍，300萬虛擬本金，一個月變出865.5萬元，回報近1.9倍，相當厲害！回顧全月，師兄相當勤力，做咗300幾個trade，但回報主要來自新傳媒（708），於1.4元水平大手買入，賺咗兩個開，奠定勝利的基礎。第二名為Wong Tsz Kin，總成績733.4萬元，回報144%，都係靠新傳媒及志道國際（1220）食糊。第三至五名分別為Jerry Cheng、So Fu Wai及Mo Yiu Keung，回報介乎107%至142%。經專人核實身份後，將可獲得由Citibank送出的豐富獎品，恭喜晒！
星級玩家方面，由Tong Chi Wing以總成績522.9萬元勝出，回報74.3%。佢繼續採用擅長的「打格仔」策略，不斷藉中建置地（261）等多隻細價股的波幅中搵食，可說「山大斬埋有柴」！
最後，「投資王擂台賽」12期遊戲經已圓滿結束，衷心感謝一眾玩家過去一年的支持的參與，帶來激烈的比賽氣氛，後會有期！
Apple Store
https://itunes.apple.com/hk/app/ping-guo-tou-zi-wang/id447022728?mt=8
Google Play
https://play.google.com/store/apps/details?id=com.megahub.appledaily.stockking.activity