連續第七年舉辦、香港最大型嘅戶外音樂及藝術節Clockenflap，11月28日起至噚日喺西九文化區舉行。除咗其他國家嘅音樂人，噚日個場仲有唔少年輕人好like，不時唱出大家心聲嘅my little airport嘅演出。佢哋最近以一曲《今夜到干諾道中一起瞓》，獻畀所有佔領者，懷疑因此被內地封殺，原定本月6日喺廣州舉行嘅音樂會臨時被取消。
就好似佔領運動嘅年輕人，my little airport越被打壓、越要發聲，噚日喺演唱期間，台上大螢幕投射出狼英嘅奸笑樣，配以「梁振英，×你」字眼，令全場情緒高漲，八方隔岸觀賞都拍晒手掌。