【本報訊】兩年前香港首隻本土訓練的導盲犬Google成功配對後，第三隻本地訓練導盲犬Range亦於今年9月配對給視障人士崔宇恒（Walter），他是最年輕的導盲犬使用者。「佢就好似我嘅親善大使」，Walter雖不能用眼睛清楚看到周圍事物，但自從Range闖入他的生命後，感到身邊的眼光再也不一樣。
記者：黃靜薇
今年26歲的Walter，三歲時被發現有先天性弱視，因預備公開試對眼睛造成沉重負擔，視力明顯再減退，升上大學時視力僅剩一成。大學二年級時報讀了德國的暑假短期課程，認識一班視障人士，「嗰陣差唔多人人有隻導盲犬，身邊話題都係圍繞着狗狗，覺得好新奇」。回港後他在香港導盲犬服務中心申請成為導盲犬使用者，苦等兩年後終於成功配對來自日本名古屋的三歲拉布拉多犬Range。
Walter從前使用盲人手杖外出，坦言不容易適應其他人目光，試過在尖沙嘴天星碼頭主動請人幫忙帶他到附近車站，卻不予理會，「覺得我乞錢咁」。
「令我同其他人多咗互動」
他形容Range是其親善大使，「坐地鐵會有人主動問有冇嘢需要幫手，令我同其他人多咗互動」。與Range相處三個月，雙方感情已大躍進，「我未養過狗，初期Range喺屋企反肚，我以為佢唔鍾意我，即刻打去問Raymond（香港導盲犬服務中心主席張偉民），先知佢係想嗲我」。上月Walter意外夾傷Range尾巴，緊張得流下男兒淚，「感覺好似一家人，情感相通」。
中心主席張偉民指，現時全港有10隻導盲犬及13隻訓練中幼犬。申請導盲犬並非先到先得，要視乎狗隻是否適合使用者，Walter在社企負責項目發展，亦是協助殘疾大專生的組織CareER的創辦人，每天工作開會長達12小時，閒時又學習詠春，「生活作息要相近，咁樣人同狗先會開心，Walter一個禮拜七日都唔得閒，Range就最鍾意（跟住Walter）四圍走四圍望」。