專做物業按揭嘅環球信貸（1669）正在招股，呢隻「財仔」新股最大嘅賣點當然係靚女老闆娘王瑤喇，佢本身就係公司生招牌，不過，老闆娘噚日出席記者會時，化妝與衣着明顯較以往平淡樸實，可謂形象百變。
31歲嘅王瑤有「靚女財神」之稱，佢喺澳洲讀完大學之後，喺摩根大通做咗幾個月私人銀行，2009年就問親友借來1,000萬元開咗環球信貸。呢位靚女仲已經係一子之母㖭。
關於王瑤嘅消息，最八卦應該係舊年底一個凌晨，交通警截查一輛法拉利跑車，發現20歲男司機無牌駕駛，車主兼乘客正是王瑤。
根據招股書，環球信貸兩位執行董事就係王瑤同佢58歲嘅媽媽金曉琴，招股書形容王瑤媽媽係資深物業投資者，喺澳洲、香港、上海都有物業投資。