今輯《亂噏24》嘅嘉賓，應該係70後嘅集體回憶當中，一個舉足輕重嘅人物！想當年電台hit爆嘅《三個小神仙》，主持人鄭丹瑞、林珊珊、何嘉麗紅爆廣播道，怕且後生少少都未必知道！
今輯請嚟嘅何嘉麗絕對唔係劍擊運動員何嘉麗，而係當年講而優則唱，由當紅DJ晉身歌手嘅何嘉麗。徐緣亦對Lady Ga Ga欣賞非常︰「《無可奉告》、《細水長流》嗰啲，o依家再聽都好好聽，旋律非常好！」
唔只咁小兒科，徐緣仲記得Ga Ga嘅威水史︰「嗰個年代係學友嘅年代吖嘛！你好似係僅僅輸畀學友！」「係呀，學友攞金獎，我攞銀獎！」想當年廣播道最靚聲DJ之一，就係佢，何嘉麗小姐！
星期四晚11:00《亂噏24》足本版！！！小神仙下凡！