如果我話俾你聽，雷神莫雷拉響11月份田戰(沙田賽事)例贏，你肯定會話：「車！莫雷拉喎！有乜出奇啫！」但如果我話俾你聽，蔡明紹都係11月份田戰例贏呢？你可能會興趣大啲！
睇番紹仔11月份田戰頭馬，「駿步蹄聲」係77倍大冷W，今次有份跑嘅「駿穎」贏得Easy，仲有「美麗之星」捧盃。上次賽事仲犀利，尾場「豪逸」鬥贏莫雷拉隻「追風駿足」，紹仔手風同運氣兼備。
今次馬壇神童蔡明紹七隻馬，「駿穎」當然係叫糊馬之一，上次沿途守好位，拉士一騎就贏，睇得出響四班仲有得贏。另一匹餐士馬係「紅旗福將」，上次響直路賽贏得好輕鬆超到暈，今次巫斯義停賽，益咗蔡明紹，有運抽外檔起步，紹仔贏唔到都對唔住自己啦！