【本報訊】玉泉、綠寶橙汁，還有樽裝維他奶，買一樽，站在街上喝，是一代人的集體記憶。不過，這種情懷，就如式微的士多和辦館，成為一個時代的產物，不復再見。
士多賣洋酒「升呢」
半世紀老店，在易手加租下被迫告別上海街，周溢笑說自己「收買佬」出身，店內甚麼都可變賣，惟獨老父留下的鎮店之寶「大光燈」屬非賣品，「以前呢度成日停電，冇咗佢，就做唔到生意，你話幾緊要？」而掛在店內一角的「宏開駿業」小橫匾，也會留下陪伴終老。
這個鎮店之寶，見證小店由小士多「升呢」成為辦館，功不可沒，「以前嗰個年代，冇嘢緊要得過搵食。大年初一、夜晚停電，都要開門做生意，冇咗佢點得？」新一代未必知道甚麼是辦館，周溢打趣謂其實係「搵笨」。「其實都係賣汽水、零食、柴米油鹽，只不過辦館賣埋高檔嘅洋貨洋酒，就好似𠵱家啲樓盤，一條樓梯幾格階磚叫自己做廣場，幾間套房就叫自己酒店，好聽啲囉」。