兩位前女高官咬住陳慧琳老竇唔放

兩位前女高官
咬住陳慧琳老竇唔放

今期(30日)沙田第四場賽事,賽前形勢真係千變萬化,先後有「中山好友」、「大收成」同埋「太陽雄心」退出,所補出嘅「名馬」及「秋月春風」,都係1000米直路賽能手,固然係機會分子,但陳慧琳老竇陳崇偉隻團體馬「鑽石巨匠」,亦絕對唔可以睇低。呢匹三歲馬上仗初出,雖然輸畀今次又同場嘅「紅旗福將」三個幾馬位,但當日「鑽石巨匠」排二檔冇得埋欄,喺直路賽嚟講肯定係衰位,結果拼入殿軍,走勢已經算唔錯,熱完身今次狀態Fit咗好多,加上改抽12檔形勢逆轉,而主要對手「紅旗福將」就大幅加磅,所以Kelly老竇大有機會憑「鑽石巨匠」拉頭馬。
當然,仲有其他對手都好有威脅,例如「勝任如意」,馬主團體成員包括兩位前高官劉吳惠蘭及俞宗怡,隻馬上仗一出喺直路賽放到甩轆,臨尾先畀「澤心星」越過,93倍得亞軍,質素及速度唔使懷疑,今次換上意國型男杜滿萊操刀,一定咬住「鑽石巨匠」唔放!