【壹週刊】彌敦道何止有關帝廟，還有兩個黃大仙——一個是仙遊了的黃家駒，歌詞成了標語口號，嫌黃耀明唔夠威勢，別忘記禍頭子黃秋生，雖然，他強調從未落場。
黃秋生自嘲：「我變咗列寧？」列寧俄國革命不在場，正如孫中山武昌起義不在場，一律入了他們數。
轉軚撇清責任嗎？又不是，係事實他便直認不諱，包括流傳着「以黃秋生為首」的被封殺藝人黑名單，無悔。
「我是正名主義者。黑色應該指睇唔清、估估吓嘅；現在係白名單，人家白紙黑字寫晒出嚟，蓋上官印——仲需唔需要去求證？你試吓偽造封梁振英親筆信擺上微博，看看會不會被刪？白名單沒有被刪，我真的被封殺了。
「竟然有內地院商呼籲，買戲票入場一齊柴黃秋生台。抽水到咁，點解佢唔免費義播救國？戲票我冇得拆賬，但我份合約係唔包被鬧嘅，應該分番錢俾我。不如聘請埋我現身登台，任掟香蕉皮，唔連香蕉肉唔受傷就得。」
黃秋生果然年輕人導師，至少啟發了我——包圍壹傳媒大樓的藍絲帶們，最佳杯葛方法是請搶購《壹週刊》，拿回家墊煲底、當柴燒，多多無拘，各大報攤便利店有售。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/