鄧麗欣（Stephy）昨日在銅鑼灣出席柯尼卡綠色音樂會，擔任活動大使，又提到環法單車賽，Stephy表示曾經有一段時間很喜歡踩單車，她說：「都係受小方（方力申）影響，屋企整晒裝備，好有型㗎！不過𠵱家冇踩，放咗喺度。」
早前小方接受訪問時，表示希望組織家庭，生一女兩子，Stephy笑住回應說：「佢想就有咩！三個好難，𠵱家呢個時勢好難照顧，我自己覺得兩個就夠，佢係雙魚座，幻想派，現實其實好難實現。」Stephy更大膽提議小方可以考慮自己生，她說：「不如叫佢試吓，佢之前講過話想試，佢做咁多運動，隨時準備好。」被追問幾時生第一個，Stephy表示不排除未婚懷孕，最緊要二人有共識。
採訪：王連連
攝影：沈健程