經過魔鬼賽程後，升上第4位的曼聯周六回師奧脫福，迎戰尾4的侯城。曼聯上場贏阿仙奴，取得兩連勝，走勢回勇，今仗面對3連敗的侯城，料可勝出；但考慮到紅魔後防陣容不整，而且今季4場主場勝仗中，有3場是小勝1球，所以今場博曼聯險勝，冷吼「讓球主客和」[-1]「和局」。
過去一個月，曼聯先和車路士，再不敵曼城，但近況好轉，主場贏水晶宮1:0，上場聯賽更以2:1擊敗阿仙奴，取得兩連勝之外，還打開今季作客的勝利之門，排名升上第4位。
曼聯中路料續用小將
曼聯今戰除了球員牌面較高，往績亦佔優，他們近5次主場對侯城全勝。儘管紅魔復勇，但防線仍有隱憂，拉菲爾達施華及戴利白蘭特等主力繼續缺陣；長時間養傷的莊尼伊雲斯在周一預備組比賽復出，馬高斯盧祖亦有望列入大軍名單中，但未知兩人會否披甲，所以麥尼亞及泰萊布力基兩位小將可能擔正。上仗足踝受傷的左閘勞基梳爾養傷3周，肯定避戰，領隊雲高爾勢起用艾舒利楊格。
進攻方面，曼聯中前場陣容完整，朗尼、迪馬利亞及尹佩斯3大主將皆可候命，哥倫比亞射手法卡奧亦有望復出，但考慮到他已經有一個月沒有比賽，相信他會先列後備；費蘭尼、卡域克、桑馬達、安達靴里拉及贊奴沙等中場亦磨拳擦掌。
儘管紅魔今季中前場的陣容非常豪華，但仍未見到有效的進攻套路，很多時只靠個別球星靈光一閃，僥倖小勝。曼聯今季面對弱旅踢得十分辛苦，往往花盡九牛二虎之力，才能撕破對手的鐵桶陣。他們今季主場6戰4勝1和1負，在4場勝仗入面，有3場以1球之差勝出，包括對愛華頓及韋斯咸的那兩場，同以2:1贏波。
侯城主守韌力十足
侯城近況低迷，近5場不勝，其中近3場全部輸波。他們上輪有門將麥基哥及中堅戴臣兩大後防主將復出，相信今場繼續披甲，而中場迪亞美亦可以候命，但進攻中場加斯頓拉美利斯停賽，加上艾保靴南迪斯因另一半臨盆而返回烏拉圭，或影響攻力。侯城今場勢必主守，專心打反擊，參考今季的成績，他們是一支十分堅韌的球隊，甚少被大炒。侯城今季聯賽12戰2勝5和5負，在5場敗仗中，有4場僅以1球之差輸波。
文：咖喱
識睇，一定係睇足英台【英波Live】：
http://soccer.appledaily.com
http://bit.ly/engballlive