社民連副主席黃浩銘前日同「學運男神」岑敖暉Lester，前日喺旺角追問禁制令的詳情時，突然被大批黑警上前拘捕，兩人除咗被捕時遭到粗暴對待，更被黑警拘禁近30小時。兩人保釋外出後明顯餓到儍，即時去咗九龍城開餐，喪食嘢補充精力。一張兩人「撐枱腳」合照，其後仲畀人放上社民連個facebook專頁。
有網友見到黃、岑呢幅hehe合照後，都笑阿銘莫非係咪想令男神好友周永康妒忌？有男神女fans就大讚男神的食相好萌，仲眼利贒到男神食飯時，竟連筷子都調轉咗拎，痛心佢真係餓得好緊要之餘，不忘大讚「連揸筷子揸錯都咁可愛！」阿銘事後就澄清，幅相純粹同枱友人擺上網，話事先無揀過幅相，又笑指自己其實邊個角度都好，其實都係咁靚仔喎。