朋友講起囝囝上Playgroup ，八個小朋友裏有兩個叫Jayden，證明好多阿爸阿媽都中了機師毒。做機師係威係勢，但原來起飛前非常重要的「飛行計劃」(flight plan)並唔係由型仔機師Sam哥或cool 魔做，而係由航空公司一位叫「飛行簽派員」(Dispatcher)完成的。雖然電視劇沒有這個角色，但無論是民航客機或私人飛機公司，都需要有飛行簽派員負責設計每班航班的飛行計劃，包括飛行高度、速度、耗油量等，務求要令到架機飛得有效率同合符成本效益。「就算是來往相同的目的地，即使距離一樣，但都會因為春夏秋冬的風速變化而令飛行時間不同，所以我地就要揀一個最好的飛行高度解決問題。」解釋這堆複雜的航空知識給我的，不是悶蛋科技男，而是在私人飛機公司任職飛行簽派員、土生土長的香港女生..「其實香港理工大學有有關航空管理的科程，之後可以再到德國、澳洲等地深造。不過，真係要好鍾意飛機的人先會讀到。」問她工作最困難係乜..「客人話飛就飛，可以本來去非洲睇動物，出發前一兩天才改去北海道滑雪!」天氣也不及人善變。
記者：林慧賢