早前曾同大家研究過，快車（意甲及西甲）賽程一些投注數據，當中入球「細」出現的情況較多。來到下星期有今季的第一次英超快車，當中有沒有一些數據可供參考？就等智勝雙雄跟大家發一發掘！
不計聖誕快車，英超上季共進行了3次快車，如像今星期般以快車「頭輪」賽事作比較，就會發覺入球大細有以下的「啟示」。30場比賽中，有20場（66%）開出「入球大」，當中更會出現一些車路士大勝阿仙奴6:0、利物浦大勝阿仙奴5:1等意外賽果。要為這個情況解釋，可以說是因為球員體能狀態在最好狀態，所以進攻方面更加得心應手！今星期正正是快車「頭輪」比賽，大家不妨多由這方面埋手！
上文所說「入球大」似乎是英超快車頭輪的好選擇，智勝推介當然會揀來英超的「入球大」。修咸頓（圖）對曼城這場2、3哥之戰，應該都是入球保證，近兩季交手雙方共攻入了16球，4次對賽3次都開入球「大」，開入球「細」一場其實在上半場42分鐘都已踢成1:1。加上曼城近5場作客有4場最少失兩球，今場相信入球不會少。
另一場就揀來同日熱刺對愛華頓的入球「大」，熱刺近10場主場英超有8場開入球「大」，而周中歐霸出線的愛華頓，今季作客場場有波入，但6場亦有5場有失球，入得失得之下，入球「大」值得推介。
文：STEPHEN、立民
識睇，一定係睇足英台【英波Live】：
http://soccer.appledaily.com
http://bit.ly/engballlive