陳奕迅（Eason）前晚在旺角麥花臣室內球場舉行音樂會，當日早上警方在旺角彌敦道清場，佔領運動的留守者將物資運往麥花臣球場，之後有大批探員進駐，不過晚上球場一帶已回復平靜，沒阻礙到場欣賞Eason個唱的觀眾。而去到捧場的除了老婆徐濠縈及囡囡，還有潘迪華、潘源良、何猷君、陳奐仁、林德信、C AllStar及DJ細So一家三口等。
唔好有暴力
Eason全晚共唱了12首歌，情緒高漲的他唱到半場時在台上似有感而發說：「We need fun，所以睇所有嘢都要正面去睇，每人都有唔開心嘅時候，唞啖氣，歇一歇，好多事情都唔係大不了，有好多路好多選擇可以揀。」
完場問Eason在台上說「有好多路可以選擇」、「歇一歇」等是否有弦外之音，想向示威人士表達甚麼？他說：「我冇乜意思，喺呢件事上我希望和和平平，大家乜崗位都好，唔好有暴力事件發生。」問可考慮走出去「見識」？Eason說：「唔會，我呢個年紀唔細，要唞吓。」
自稱Delay哥
音樂會由台灣音樂平台舉辦，馬來西亞、泰國和日本等又同步在網上直播，故Eason在演唱中途用普通話跟樂迷打招呼，之後講日韓泰語指很多地方的朋友都會看到。
樂壇頒獎禮將近，日前Eason曾指今年如果有一個頒獎禮未能出席，其他都不會去，前晚他說：「12月27號柳州有個騷要做，到時我順便揀啲木，所以26號未必到；1月1號呢，我31號有個跨年騷，我驚1號啲機delay有影響，我有個花名叫delay哥嘛！」
採訪：馬建華
攝影：陳慧安
