陳彥行（行姐）、利嘉兒、李麗蕊等日前為nowTV節目《娛樂審死官》錄影，更談到飯局是否娛樂圈潛規則的問題。利嘉兒早前透露曾拒絕無綫高層邀請飯局而遭雪藏，李麗蕊亦在節目中談到以前在無綫拍攝《歡樂今宵》時的被邀請出席飯局經歷，她說：「當時我算係節目中其中一位力捧小花，有一次工作完咗之後有個幕後姐姐同我講有消夜飯局，有啲我唔識嘅人不過我當交多啲朋友，本來我都打算去，但嗰位姐姐最後加咗句食完消夜有利是收，我聽到覺得唔對路，最後都冇去到。」
只穿浴袍等候
節目期間，主持梁思浩又大爆行姐離開無綫後，到北京電影學院進修，被內地知名經理人看中，要求發生關係換取工作機會，行姐憶述事件時表示：「嗰位外形討好嘅經理人我哋係經熟人介紹而認識嘅，佢旗下都有一位當紅內地女星。佢有一日突然嚟香港搵我食飯，我喺佢住嘅酒店大堂等咗45分鐘，對方話同美國電影公司開緊視像會議，仲叫我上房加入。」行姐續表示當她上到房間後只見該經理人只穿浴袍，而且周圍也是女性衣物：「我估係佢旗下女星啱啱走，言語間佢話我着得太保守，又暗示床已經準備好，不過我最後都選擇離開，佢之後都有打畀我，話我做人太冷冰冰。」
撰文：李森