【本報訊】日前被傳打算到佐敦佔領的旺角勝和話事人四眼柱，昨否認牽涉政治活動：「我唔係佔中，亦唔係反佔中，唔好屈我！咁樣會死人㗎！」
四眼柱稱傳聞將他塑造成兩面不是人，指他原本反佔中，暗指收錢後又變臉撐佔中，同一時間指他收了300萬元佔中，「如果我真係有收就話箒，但我無收你屈我呀！」他指前陣子旺角張貼他聘請人的廣告（圖），上面留的是家人電話，「如果係做嘢會咁揚？」他估計是那些近來玩低調的人插贓嫁禍從中取利。
他指被屈撐佔中後不敢再回內地：「隨時一返去無啦啦消失幾年，想害死人咩！」他一再強調不想牽涉政治，並稱不認識熱血公民成員，對上一次見黃毓民已是兩年前，已無任何聯絡。對於被拍下他跟江湖人士在深水埗茶餐廳食消夜，他指是日常活動，他經常到該茶餐廳消夜，「你睇新聞睇到旺角𠵱家咁，傾吓都好正常咋吓嘛。」